Ako volite more, Dalmaciju i barke, razveselit će vas ovaj originalni oglas za poznatu pasaru, koji je jučer objavljen na Njuškalu. Kreativni Dalmatinac objavio je prodaju svoje ‘Istranke’ s natkabinom za koju je očito vrlo emotivno vezan budući da joj je posvetio i stihove, uz opširnu priču koja ga veže uz njegovu pasaru. Prodaje ju za otprilike 58.000 kuna.
Korisnik Svecerni je ujedno i vrlo duhovit pa ga, ako imate vremena i volje, pročitajte od početka do kraja. Izvjesno je da ga je ponijela i proslava 105. rođendana Hajduka.
PROČITAJTE OGLAS:
cina prava sitnica? a malo san i reka! vridi zlata kad nan plaje i ceste začepu ovi iz EU i UE, pa aj ti nađi mista za šugaman i bokun mira da kraj tebe ne smrdu, prdu oli plaču na engleski oli ruski…098-1941-301 ( Udri whatsapp sms :-))
popije litru na uru ful gasa, a gazda dvi u po gasa a e (evo malo reference, za 30tak min si od Zente do punte Čiova-distanca 3 Nm, speed max 6kts vas 4 karika (da nerečen asa) i kalma bonaca i puna jacera piv ( a nase ti je maeštral u krmu pa te malo koji Galeb more uvatit e, a zvir = pa ti aj do “kave” auton i jos nađi parking, aha malo morgen čes nać (a a pojubi se u lakat ako moreš). Očes jedino ako si doša u 6 ujutra prija Rusa ( oli prije nege se prvi makako “pivac” oglasi kukurikuuu…) + još jedna penta blizanka suzuki 6 instalirana več na pomoćni. ima ti muški i ženski WC ovisno o vitru; krma, prova i bande naravski = čučavac+lipši spol ( a imadu i one ča moredu snog e da se ne uvride) a diš lipše od naturale :-), evo mali tips; ne pišaj u vitar i ako ko piša na bandu uvik mu drži kontru da ne žbanda ekipu oli ti ga brod (jerbo je malo vergulast).
A tek udrit romansu sa malon, a barka se lipo gingolaje ispod zvizdana, a nisi se ni otisnija od rive a mala več baca riđiđiđi priko bande , neće ti reč ne neboj se kad triba uvatit koluru, još ćes ti skakat u more haha…i ako joj je more škodilo prije, parit će ka da je tukla more cilega života, i oma će uzest veslo da ne rečen timun u svoje ruke haha oli je lito oli nije a e, a jos i doturi reču da ćes kasnije partit kada gledaš u bezgrudnjak bar 24 ure na dan haha, a di još ča doturi reču za prostatu e, da ča je najboje? asti ga miša….kako i Pinokiju hahaha, a ko će te gušte platit.
Čitan u štampu, neće proć puno pa čes “mladu” moć dovest brodon na pir na Kašjune lipo e, pa će bit brodo-pir, ka ča ima bajker-pir e, i svi lipo u svečane bile spido mudantine haha bikini (dominđos), bili šugaman priko ramena i bili balun za picigin i ajla bajla kako bi reka dr.šandor romano.
Ne reče se više Kruv sa 7 kor, nege ” pupe ni za lik “.
Nema ča nema od opreme eto sve sve i sve višje novo nege ka novo + dozeri za cugu i cuga a e
pun ti je tank ( i to dva), upali i vozi a ča višje reč a ne lagat, aj živija!
pita me jedan da iman li ankore? a ja mu udrija kontru, imaš li ti brenze na svojoj kočiji ?? a ča reć više…
a sad višje ne znan bili ga i prodava…..svakomu….emocije su to jbga
ukratko, bija je dno dna a sada je vrh vrhova (no offence my dear ex ex… owners)
ne moren višje pisat, iden ča tetovirat karik o bašton…
rišpet moru, brodu, dinu, coci i ajduku!
p.s.
e i ča je najvažnije zafaljivan se mojin dragin prijateljiman na lipin komentarin (kao i ostaloj izgubljenoj generaciji, ali nikad zaboravljenoj), i ča san ih razveselija ovin švrakopison od puste pisačine ( a ča bi bilo tek da prodajen tanker, asti ga mande di bi bija kraj…)
pod itno triba uvest splisko-dalmatinski jezik u svin školaman duž dalmacije i u zg, i za one ča se pravu Ingleži štampat Splisko-Ingleški Rječnik oma ča prije (grubo je reč, al da ne bude “Hello midnight stranger, good morning AIDS” – ala ča me iđe ovi Ingleški ki matrnji e), a ča sve ovo ima sa brodon ne razumin (a ima ima), a samo san na pivi..,,a više san arbun i komarč uvatija na pileća prsa (živija Cekin) nege na žive kozic iz špurtila ča bi izgreba cilu bandu od bazena na staroga mornara, pa aj ti razumi…živija berekin – Robi K….Ja pa Kerum (e a koji e)…..da kako je Pinokijo sazna da je od drva? d..ka pa se užga hahaha ala puka san od smija…gledan ove puste reklame za masaže, pa govoru dojite i “opuštite se”, a ča oli nije bolje da reču dojite i “ukrutite se” ( a čovik more i krivo razumit ovu reklamu, a da oni to stvarno ne “mislu” dođi ukrućen pa će te lipo opuštit, e e ima i ova mista – pofali se ćićo e, oli je to isto a samo finjak ka? 🙂 , e sami je tek zbunjoza, ka da je ovo zanje sad napisa oni “Gollum-My Precious” kad mu uleti ona njegova debuloza u možđane ono on 2 u 1 haha (like printer/scanner 2 in 1), a nimu je lako kad sa bevandon i zube pere e..
Govori mi sad moj kumpanjero ala vidi kolko ti je svita prigledalo oglas, (nisan ni bacila o to) a ja govorin asti kad bi mi lipo svak da po kunu oli ejuro (dijaspora) nebi triba tuč more višje (žiro-račun u privitku kako reču ovi u banci, da u privitku haha prvi put san se pripa ka je rekla jer san mislija, da nisan u minusu oli je koga pribilo?? haha….baš gledan di ću udrit privitak al neće iđe oće stoji 🙂 , moran prisić, ne moren višje pivu pit, iđen nać vatrena voda,…uzdravje !
Ala da mi je sad snekin bacit na sve pobe+4 prsta klamprsta pa iskopat trat peton sa onon novon univerzalkon ( adidaskon e imala je najtvrđu šjolu, a kad bi udrija trat sa onon espadrilon raspala bi se u dva trata aj ča (espadronjci-e samo su lipo figurale u onin kričavin bojaman, a bile su malo bolje od govna da prostite (kakobreka Pleja), kad ti nemoreš trat lipo iskopat snjon dublje aj ča) e pa bi čuja mater poslin neboj se , ajme ča san bija idan na te espadronjce kad trat nemoš udrit a e.
Adidasku si vidija samo kad bi proša razred su 4 oli su 5 (pa uvati bubat haha), a espadronjce si ima i ka bi godinu pa.
A ka bi proša su 3,45 ala sr.nja ( za z) aj ča, koristija bi lipo one od prošle godine, a noga reste nema veze, palonja bi zere virija samo nek je pete za trat.
A dušu su dale za brenzat karet petaman a e.
A danas….ka da nimaju nikakav osićaj vridnosti, rojeni su u adidaskaman eto to je to 🙂
Asti pa kareton niz uzbu u siromašnoj oli marmontovoj, a za radunicu nesmin ni reč (ne zna mi mater) jerbo su doli jos tragovi o balinjera (evo reka san), a bija san brzi od fičeka dvista smista a 300 kad bi se zaletija hahaha
“od Marina”
Evala,
Mora san se javit da kažen da san u jednon dahu proguca priču i gušta san iako san od mladje generacije. sad iman jednu molbu. Ka dica smo igrali na franje, al ne mogu se sitit pravila. Pobe klamprsti trat sve to zvoni u glavi al nema šanse sitit se, a bilo bi lipo kad bi, ako se sičate, bacili pravila pa da se i to nadje u oglasu, jer šta je bolji oglas, prije će se prodat. Ako ne, Bogu fala.
Zdravi i veseli bili
” za Marina ” 😉
Evala Marine,
ma puno van fala na lipoj besidi :-), ma i ja guštan ča van se svidilo.
moran priznat, oka san pročita vasu emajliranu poruku i upit za pravila da ste mi dali za mislit.
pa cilo vrime pokušavan doseć bokunić te memorije ukopane negdi u dnu dna mozđanih di se nalazu pravila.
u grubo nekako mogu reć da su bila pravila ali bez pravila…nekad bi ih u hodu stvarali, pa minjali, sinjali u drugi kvart ili oni od nas…
recimo ka bi igrali na trokut i jedan trat (trat je bija kontra trokuta cirka par metara udaljenosti, a trokut bi nacrtali na zemlji bokunićen od grančice oli plastičnin stapičen od lize (roli pop) jos boje e, joli kažiprston ako je mekana suva zemlja bila)….svak bi u trokut stavija/uložija isto franja, pa bi od bande trokuta prvo igrali povalje ko blize tratu ili ko ubaci u trat taj prvi tuče na trokut.
a na trokut si moga tuč kako te volja, povalje oli povisoka sa kolina direktno tuč, nabacoke….a svakako.
i naravno prvi ima vise šanse za cikat vise franja i sve franje ča bi cika i izađu van trokuta su tvoje, i jos ako tvoja glavna franja (ča si tuka trokut sa njon) nije ostala u trokutu ima si pravo i dalje tuč (cikavat) franje ča su ostale u trokutu..i tako sve dok ne faliješ ili ti ostane u trokutu, i onda je red slijedečeg igrača…
e tuka si franjon tako da bi ti franja bila izmedju kažiprsta i palca, stin da si se moga uvik pomoć sa drugon rukon tj učinit pedalj (da ti je ruka stabilnija) ali tuka bi sa onog mista di ti je glavna franja ostala (nisi smija krast, to je svak gleda)
a ako ti je ta glavna glavna franja ostala u trokutu nisi vise smija tuč i mora/moga si tu glavnu zaminit sa nekon drugon koja ti nije bila najdraža ili si ih ima duplih, recimo jugoslavenka :-).
a napolitanke, bonjerice, porculanke….čuva si ih ka joko u glavi 🙂
di bi god bija lipi ravniji bokunić ledine, tu bi oma ispujali cilu travu da moremo napravit teren za franje, trat.
a tek kad bi cestar tašela bokun ceste, oma bi dok je jos frižak asfalt udrili trat i sutra jutro ka se osuši/stvrdne svi tu na franje, e asfalt lipo pa franja ne zapinje nege klizi.
a na svepobe je bilo drugačije tuč nege na trokut, tj tamo di ti je franja ostala od te točke stavljaš pedalj ili jos 4 prstaklamprsta (ka bonus,isto si i za trokut moga koristit) u biti da si još bliži toj franji koju triba cikat.
tu bi se igralo u dva, pa bi se nas dva ganjali po ciloj ledini, ko koga više puta cika (u biti dogovorimo se na kolko cika cemo igrat) i oni ča pobjedi more birat franju koju će mu uzet iz kolekcije…
Evo nadan se da sam bar malo približija joli osvježija memoriju 🙂
Meni je ovo flashback, skoro 40 godina unazad se sad sičan nekih detaljića zahvaljujući Vaman, ča san mora dobro muć muć ovon caton 🙂
guštajte
Bija san semi joli osmi razred e nesićan se točno, al se sićan ovoga;
Uča iz kemije bla bla govori nan kako triba režentat slatkon vodon sve ča ti upane u slanu (more) e (stalno smo ti neke pokuse šnjon činili sa epruvetaman), i za nefalit meni ti reče aj mali ti i zanje klupe obrisat ploču slatkon vodon, asti da slatkon?
A ja govorin drugarice učiteljice (ae prava ofisiruša ti je bila, mora si tako jerbo se još nismo gospodili e, a zamisli nas jos u onin modrin keceljaman asti), prošlu nediju ste nan rekli kako voda nema boje, mirisa ni “okusa” (razred puka o smija)……..a ona meni na sav glas ono iz petnih žila (čuli su je i na bačvicaman) ićes ti men na ” produženu ” haha (dobro nije rekla smlikon) namisto na produžnu nastavu haha, jedva san ima duju ajme nije me mogla u štampu.
A tek ovoga iz fizike a legende, najjači drugi Njutnov aksiom ikad, kaje: Mala moja dajen ti na znanje, sila masin daje ubrzanje haha.
Osta ti je vavik u pameti (mada ga kurc. ni dan danas ne razumin haha al lipo ga je bilo čut), a svak je skoro ima peju haha.
Sa bi se i ja pita, ma ka je ovo bilo, ma koja je ovo generacija? haha…evo najlakše mi je napisat ovako, mi smo bili osmi a Seve šesti eto sve san sad reka, da more čovik imat sliku ae, pa sa lipo kontaj 🙂
E da se oćedu sitit, pa pustit nanovo na TV oni davni najlipši serijal ikad ča je bija ” po ure sa borisom dvornikom “, ala ča fali…
I nek stavu oni stari stranjski, znaš oni zva se “Korijeni” ka je reka “I am not Tobi I am Kunta bez Kinte” (normalno bez ovoga bez) ala smija, a koje prije i vidija crnca mi dica nege tada a e, i oni Boney M.
I zavik vridi ona stara ” svemu se nadaj, nista ne očekuj “…
Ajme ča smo se ka dica iscipali od smija kad je Margot rekla Broju 1 (alan ford) stari ka aj daj potpiši se, a on udre križic na tu kartu, a Margot će opet ala daj puno ime i bezime, a Broj 1 joj udre jos jedan križic hahahahah
A jedan ti je žep bija pun franja, a u drugon alan ford i o briškule karte a e, a di praćke, pljuuce, trotul asti….
A danas, kaje mi kumpanjo govori malomen amo jenu bacit, a mali govori ma pušti me pape oli ne vidiš da tučen tricu kup tabletu…a to je tako oli bi mi bili išta bolji, a moš mislit.
A da vidiš cirkusa dok je Šandor (I.P. oni isti dr. e e) sudija nami u osn.skulama prvenstva u balunu asti ga, pa nebi taj staja zvižđat onon novon zvižđon.
Od dva puta po 20min kolko smo igrali on bi ti zvižđa 45 hahaha, a bilo je za pišat o smija,ma naj je jači bija.
Ni se moglo čut ono zvono ča zvoni za veliki odmor od grande suca, pa bi svi zakasnili u skulu 🙂
A tako bi zvižđu izluštra, da bi je i sa najgornje tribine u siromašnoj vidija kako blisći u oči, i da je zvidan uopće ne pogodi.
Ni Collina (oni ćelavi) nima takvu, i on bi se posramija, ma ganjc nova, a decibeli joj se itaju sve do bačvic.
I ekipa sa bača na piciginu rekli bi aaaaaala evo Šandor opet sudi hahaha, ma unikat.
Moga si ga pitat đir zvižđu, a a kako ti doma, oma bi iša da će te pleskon opalit pa biž nazad na tribine.
I neotvorenu novu novcatu kutiju opatije bi mu dava za đir, ma ni čut, samo bi reka “sudac pravi ne puši cigarate” ( a ka da ga sad čujen eto ), je je bija ti je on ozbiljan i digod strog, sve po pe esu hahaha
A zvižđa mu je bila vezana oko vrata sonon kolajnon od starinskog vodokotliča
(sićas se ono, bija je od miljun onih lipih ka balinica, a svak je u kondut pri dupera a i durala je),
a je lipo mu je figurala, ma je i ona blisćila ka i zvižđa mu.
Oli mi dica nismo pravili bračolete od vodokotliča da bi bili mange u ulici a e ( i jos bi je sa onon sodon bikarbonon u suvo izglancali asti ča bi blišćila).
I svaki put bi ti vodokotlič bija kraći doma pa si mora posezat rukon sve više put gori da bi puštija vodu ( a digod bi ti i bančić triba, a e kad oće ekipa isti bračolet ) haha.
A cila ti ulica bila zacopana u istu malu, a mi ono dica frkuni od 10tak godin,a ona starija godinu dan e.
A lipa šesna, baš je parila načitana haha, a ko god bi joj priša samo bi rekla “aj mali čitaj laso imaš paso” haha
Samo bi sen starijin korteđavala a e
I onda bi ti čekali kad će ženske udrit ooo-limpi–jaduuu na oni laštrik.
I dok se one provlaču onako koncentrirane u ful gasu, mi bi ti jedva čekali momenat da moremo
munit spomenar iz borše “ovoj” i biž ča u portun čitat simpatije haha
(jer imena iz cile naše ulice su bila u tin spomenariman i svak bi tu nesto doda, napisa…).
Nabrzaka bi ga prilistali (dok one tuču olimpijadu).
Tako listamo. ali kasmo vidili da je i Cici u spomenaru (a on je bija iz druge ulice oma kontra naše,isto stariji godinu),
a “ova” cilu stranicu izljubila usnaman i to sa onon najcrvenijon materinon šminkon, pravi Karmin ne kemija e.
(ča bi joj mater koristila samo ka bi išla na posa),
i srce priko cile stranice,a još mu napisala “potok teče tok tok tok ja te ljubin cmok cmok cmok, asti ča nas je oma uvatila đelozija i bokun tuge haha dišperacjun te čapa.
A di neće svak bi se ofendija, a mi uvik ulica kontra ulice u svemen, a ona nami vako, nek se stiduje hahaha.
E zato kad bi ti Cici doša sutradan u našu ulicu bacit na franje na naš trat,
e onda bi mu rekli a Cici nima ti više mista, pun je trokut haha aj na kman.
(moš mislit ča je bija pun trokut (a nas dva samo), nege kad bi ga vidili izdaleka, brže bolje stavljaj ča više franja u trokut da ga napuniš a e)
A bija je cili finćukast, na crtu zalizan,ka da mu je krava jezon dva đira učinila po čiverici.
A fin, pristojan i nekulturan haha
A dic a ča ćes 🙂
Pade mi sad na pamet ona Popina legendarna izjava, kad su ga pitali 90te (a mislin da je nedugo zatim i partija bidan), da u koju će se stranku priključit, a on odgovara jednu i jedinu “ribe, raci, školjke i prstaci”, malo je takih i ništa, ma legenda bija i osta!
Bog mu da sto raji.
Puno put mi suze same od sebe naviru i napunu mi oči kad se sitin liposti.
A tako bi se sad rado isplaka sa cilon izgubljenon generacijon (al oni plač od sriće, smija e).
Al kako smo stvarno izgubljeni, nima mi druge nege nać prvu “narikaču”
(čujen da uzima 100 ejuri na uru) i da ti sve toxine kroz suzu izvuče
(ka dobar kiropraktičar kad ti ono izvuče upaljen živac),
a brime ka rukon odnešeno, oma si drugi čovik!
Ala ča me pere memorija, e ovo moran napisat za krepat je o smija.
Ne znan kolko ću ovo moć “dočarat” al itnit ću se svakako, pa ča bude, a biće hahaha
Prijatej mi dotur, al tada još nije avanca, mora je udrit koju uru u bolnicu
i to u dno dna-prizemlju (a svi znamo ča je u prizemlju jel te).
I priča nan dotur…u čekaoni doli, on se mota i sluša ti razgovor dvojice
koji su čekali upad haha (a svi znamo da doli upadaju-dolazu oni naj jači e oli među jačiman).
(neću nikog imentovat haha, nije red al cili svit da ne rečen Split ih zna)
Ovi jedan je ka Metar i Lamica (45 kili sa koleđicaman) a ovi ka od Mosora Odvaljen bez koleđica (u espadronjku) eto.
I sad kako su sidili jedan kontra drugega čekajući upad već duže vrimena,pukla ih dosada
(i počmu tuč mendule petaman, oli vidiš kako koleđicon piketaje parket,..nervoza)
I Lamici dopiz..lo i počme ti štucigavat Mosora, i počmu ti pitanja…
A kako se ti zoveš ?-pita Lamica- a ovi kaje Mosor.
A imaš li ti Kamion Za Rasute Terete??-jopet pita Lamica-a kaje Mosor a neman Jeb.teE (i vidiš mu Upitnik od Metra poviše cate e?)
A Lamica ka iz Topa……….. ” A Kako Ćes Ić Doma Ako Te Sad OpizdiN ” hahah……a piš živi za krepat.
Ka crvenkapica i vuk haha a jos da je to bilo čut u živo asti radosti.
Ala uvatija san san sebe kako činin recenziju, pa škartajen ove pogrIJEške haha muke, a još me ove oćale je.u da prostiš.
Nema goreg nege kad je čovik samokritičan pa ono satare san sebe (oli mu čir izreste, oli čupa kose, oli maruvele), i ako ga još to sve spoji sa onom našom Muškom Mjesečnicom ” SIM ” – S indrom I ritabilnog M uškarca e onda mu budu mali i veliki mozak u svađi daniman, i aj ča 🙂
A bolje je da te ktitizaraju pa ako je to nepozitivna kritika, e onda ti je na jedno uvo ulizlo a na drugo izlizlo kakobreka e, a ovako ti ostane između oba dva uva 🙂
Ala ča me zamantuni, a još znan da reču “ko puno gleda malo vridi”, e neću više gledat puno samo zeru 🙂
Srića surgali smo, pa čovik ima bokun vrimena evocirat bokunić uspomena ono kako ti dojdu, nalete…inaće ko bi, kad bi,a ko se more sitit svih batudi…a vridilo bi.
Ovo mi je baš lipo došlo išvogat se inače bi puka ka cvrčak na vrj bora haha adijo pameti, a još mi je srce veče nege mantel buvel kad vidin kolko svita ovo čita…
Evo, ma bar po svita (iz oglasa) da dojde na pojudsku lipoticu, da je dignemo jopet na noge ka nekad,
i da nas jopet čiribimbaju iz svih satelita u svemiru, kako drukamo za jednog i jedinog nan Ajduka !
A ne čekat Ultraše sa “Ibize” (oli već) da nan to uradu jeanput godišnje, nege da to bude svake sride i suboton od gušta gledat juniore oli bile tiće e.
Triba nan neko više doć i udrit kolektivnu infuziju,
jerbo ne more se višje ovako, padamo snog ka o debulece svi, ako ne svi a je jeno 76%,
triba se rekuperat ča prije, ne sad nege jučer već…ma doklen vako, ma di je skrušenost nestala (kakobreka dobri pok. fra Ante)…svaka žunta vise boli!
Kaćemo višje izać iz ove kašete brokava mila mati!
Pa ti sad aj reci da se ne ljubu ovi o šete bandijeri sonizin o šete kolpi.
Ča bi stari svit reka pjan i lud dva brata ae.
E moran ovu staru zapivat; O Isuse Na Nebesu Ti Pomogni Bijelom Dresu, Bijelom Dresu Bijele Boje Hrvatska Te Mati Zove….asti zanji put san je čuja “87 protiv Olimpika iz Marseja ka smo svi plakali ali ne o sriće nege o….suzavca 🙁 i sve stalo……aj ča, pa bi pošli u Po Noge utopit id i tugu ae
Namisto da imamo “već” još jenu “lipoticu” oma do ove ( pa nek Ultraši tute gazu travu, boje da gazu nege pušu, neka dice), a mi ne znamo ča sa ovon.
Samo da se ne dodgodi ( nikad joli ikad ), i da nas dica pitaju pape pape pape (ono već te čupa za majicu) oš mi kupit kartu za vidit oni novi “zoo oli muzej” u Pojudu? eto.
Al ovoliko teksta za bokunić ove moje “orahove ljuske” (to ja njojzi tepan, ka neko svojoj bemburi haha), ajme i sebe san zateka, ka da san sebi zapneš nogu haha sa botiljon u ruci e.
Ova “ljuskica” je dušu dala ko ima vez na Miljacki, mali gaz jušto (Halide-Sarajevo javi se!), lipo ideš sa njojzi do Želje 2 udrit desetku u somunu a e.
I nećemo dat da ti Miljacka mostove odnese samo da moreš njojzi doć !
(oli kupit zrakomlat :-))
Dobro je reka Marinko Čutuk “da sam normalan poludio bi” = (što bi vrijedilo ekvivalentu) = ” boje bit zeru blesav nege zeru pametan ” 🙂
Ej a zamisli još da je cili ovi tekst (zeru memoara) joli roman (ča je reka jean maci), dat našin klapaman da to lipo šparićaju u notu, joli napravit Operetu a, ma se nebi zvala ” Mala Florami ” nege ” Mala Ljuskica ” a e :-), ima i za ojkavicu udrit e….mirakul
Materijala kume kolko oš na lopate, ma ča, ma na karijole čoviče e 🙂
Nezamislivo mi je postalo leć u posteju a da ne pročitan ovo barenko jos dva puta ( kad pogledan Baltazara i popijen čokolino iz epruvete ), doje mi ka uspavanka a e, i zaspen sa 🙂 na licu !
Ne moren više ovo čitat suze su mi 🙂 = (ovi smajlić oće reč da su radosnice), ma iđen oma sad udrit još 3 NULE na CiNu, ma volin jeee, a još nan je naš Duje Dujkić T.na njojzi Kapetan!
udrija san
(a more i za manje, aj nek ti bude ka, mislin old-timer ganjc…alo?)
I got to admit, that I am astonished and very thrilled with all of yours outstanding comments, and all of You are huge inspiration to me!
Thank You sooo much from the boottom of my heart!
Ja slaba govor hrvaska, ali mene puno pomogla moja pape pisati all this :-), moja pape spava now.
Rojena sama in Canada imati divno žena i 3 dica. I very super volim pape keyboard jer ima hrvaska letter (ne zna ja kako pisati tipkovnica na hrvaska) , misliti ti mene dobro razumi, Tu nas Canada ima hrvaska puno, hvala
I moj ženi trudno wait 4 dic na put, moj papa rekla, neka biti živi zdravo and da piss u zid,
because ja imati 3 daughters, papa voli boy imati ja.
Moja papa mene joke always, jer ja nezna padež pa say da ja u kurc stupid.
Pape rekla very like padež oblokativ because of his famous beverage bevanda zove
(think ja dobra pisati) zato papa sleep now krevet like a newborn baby after bočice.
Ja voliti puno moja Split like mine Vankufer.
Pape moj mene ispravi writing errors sutra.
Mene moja pape zvati Jozo Bozo ja maleno bila.
See you soon at Pojud Ajduka and Ultra summer time in Split!
Don’t drink and drive, take a joint and fly…šporko šporko jako šporko, glaukoma exception only 🙂
Warm regards,
dj Joseph (Jozo)
lud, luji , najluji, lud u pene bonačića haha koma roma
Ćimpa, još zere pa smo u perlice a, oli u ajduka, mere?
E da ne zaboravin, Veli pozdrav mojin prijateljiman i dragin kolegaman koji su tuteka smenon, Stani, Ivanu, Marinu, Brani, Pleji, Hrepi, (Kuzmu san već reka),Boki, Luki, Dezi, Dami i ako san koga zaboravija da mi ne zamiri a e 🙂 , a ča smo se iscipali o smija na komentarin tude na fb haha svaka čast svitu zakon! (hahaha ali među najjačin komentarin sa fb za joko je zapeja ” Je ovo Smoje prodaje kaić ? ” svaka čast čovik! jemaš sensa :-)……naj smo jači, samo nek je stend baja do jaja a e, živili !
Najbrža primopredaja dvaju noštromi ikad: ” stari, frizer ti je pun piv a čif ti je u kurc., aj ! ” haha :-):-)
Kaje aso Kapu: Kapo sritna Nova Vaman i Tvojiman hahaha kralj 🙂 🙂
Pitan malog indonežanina (22 god), jes gleja Tarzana? Kaje on ka iz topa; Yes Yes Sir very good porn, big big švargla haha 🙂 brige njega za prognozu, samo pornozu prati a e.
Kaje mi Joskan, ma stan nako paz vako nu, joli nisu do 90te bili drugovi a poslin gospoda jelte?
A e moj Joskane dašta su e, ča oš reć?
E lipi moj, pa ča onda govoridu amo se družit, namisto amo se gospodit?
Joli je gospodnjenje joli je druženje a?
Jemaš prav, jema ti i ta mista moj Joskane, vidin da si puno libri peška i da ti možđane radu ki u diteta.
A e, joli mi nemoremo metnut tute u naš Rvacki ričnik “gospodit” ka ča su ovi Ingleži
metnuli oni novi “selfie” u njizin Oxfordski ričnik?
Još se puvaju sotizin e na sva zvona.
Amo popit Joski najboje e, potrošit ovo zeru kun ča smo skupili o boc o plastik,
pa ćemo sutri u 4 ujitra udrit novi kontinjer da imademo za gospodnjenje e.
Srića ča ima slik o ove megajakte, pa svaka govori ijadu rič, a ja se raspisa tuteka i prikoviše a srcat 🙂
štufa san se
Vira, Ufanje i Jubav
( jopet To Be Continued…tuteka )
Samo nek je Veselo !
Amo sad svi zajedno u jedan glas!
Bili, bili
Bili, bili
Bez pinezi i rišpeta
Rodilo se dite puka
Iz jubavi, iz dišpeta
Kontra mraku, kontra sili
Nareslo je ka iz vode
I trkalo do slobode
Drukali smo za Hajduka
Mlado, staro život cili
Drukali smo za Hajduka
Pivajući naprid bili
Bili, bili
Bili, bili
Priko ognja, priko žica
On je gubi, on je tuka
Njegova smo svi mi dica
Isti tvrdi kruv smo jili
Znači nam on puno više
Nego ća u foje piše
Sve prohodi, sve ne staje
Svaka radost, svaka muka
Život svakom svoje daje
Svi bi možda drugo bili
Ma u jednom svak se slaže
Od Hajduka nima draže
Bilo lito ili zima
Srce nas u Poljud vuče
Starog placa višje nima
Ma se opet isto druka
Na terenu od života
IZVOR: Večernji.hr
